DEUTSCH | RUMANTSCH | ITALIANO
Uschia prendain nus influenza
- Represchentanzas permanentas en la Cumissiun dal persunal ed en la Cumissiun administrativa da la Cassa da pensiun chantunala.
- Posiziun davart projects da lescha actuals en ils secturs da la politica da persunal, da famiglia e sociala.
- Cooperaziun en differents gremis spezialisads ed en gruppas da lavur davart temas actuals.
- Commembranza en la suprastanza da l’Uniun centrala dals emploiads dal sectur public da la Svizra (www.zentral.ch).
Qua profitais Vus directamain
- Assicuranza da protecziun giuridica collectiva gratuita che surpiglia cumplainamain ils custs d’advocat e da dretgira en cas da conflicts da lavur.
- Premias reducidas resp. rabats tar differentas cassas da malsauns ed assicuranzas sco er tar diversas fatschentas grischunas.
- Infurmaziuns actualas tar dumondas dal dretg da persunal sin nossa pagina d’internet www.vbsgr.ch.
- Organisaziun d’occurrenzas infurmativas e divertentas.
La UPC – ina ferma partenaria
Mo cun ina represchentanza ferma pon las collavuraturas ed ils collavuraturs da las vischnancas e dal chantun defender lur interess giustifitgads. Spezialmain ozendi cun las pretensiuns per part polemicas da reducir il stadi, cun mesiras da spargn e cun privatisaziuns en il ser- vetsch public, ma er en reguard a proximas fusiuns da vischnancas èsi impurtant d’avair ina partenaria fidada. Cun var 1900 commembras e commembers è l’Uniun dal persunal chantunal grischun (UPC) la represchentanta la pli gronda da las lavurantas e dals lavurants dal servetsch public dal chantun Grischun.
Las finamiras da la UPC
- Engaschament per cundiziuns da lavur modernas tar il servetsch public dal chantun Grischun.
- Defensiun dals interess da las commembras e dals commembers da la UPC envers ils patruns.
- Promoziun da la solidaritad e colleghialitad tranter las collavuraturas ed ils collavuraturs dal servetsch public.
- Infurmaziuns actualas davart dumondas da la politica da persunal.
Faschai part da la UPC!
Mo in’uniun cun bleras commembras e cun blers commembers è abla da far valair efficaziamain ils interess da nus lavurantas e lavurants.
Cun ina contribuziun annuala da mo 45 francs demussais Vus Vossa solidaritad e profitais da noss divers servetschs.
Ulteriuras infurmaziuns davart nossa uniun chattais Vus sin nossa pagina d’internet www.vbsgr.ch. Qua pudais Vus er annunziar online Vossa commembranza.
Sur info@vbsgr.ch As infurmescha noss secretariat er gugent en moda individuala.
